Kryetari i Partisë Demokratike Lulzim Basha ka reaguar pas ndarjes nga jeta të aktorit të mirënjohur të humorit shqiptar Koço Devole.
Basha përmes një postimi në Twitter shpreh ngushëllimet e tij familjarëve dhe miqve të aktorit.
“Ngushëllimet e mija për familjen, të afërmit dhe miqtë e aktorit të madh të humorit shqiptar Koço Devole që humbi jetën tragjikisht në betejë me Covid19. U prehtë në paqe!”, shkruan Basha.
Aktori Devole u nda nga jeta në moshën 75-vjeçare, pasi ishte infektuar me Covid-19. Ka humbur betejën pas një jave në intubim./abcnews.al
