Lulzim Basha ka depozituar formularin për rikandidimin për një tjetër mandat në krye të Partisë Demokratike. “ABC” mëson se udhëheqësi i partisë më të madhe në opozitë për 8 vite ditën e sotme dorëzoi dokumentet për mandatin e tretë.
Përballë kryedemokrati do të ketë katër rivalë, raporton gazetari i ABC, Juxhin Mustafaraj.
Fatbardh Kadilli dhe Edith Harxhi dorëzuan ditën e sotme dokumentet për kandidim, ndërsa nesër do të jetë radha e Ibsen Elezit dhe Lisandër Hoxhës.
Ndërkohë që ditën e diel në orën 18:00 mblidhet Kryesia e PD-së, e cila do të vendosë mbi kandidatët dhe modalitetet e garës për kreun e PD që mbahet në 13 qershor./ Abcnews.al
