Presidenti i skuadrës së Barcelonës, Josep Maria Bartomeu, ka bërë të ditur se Messi do të jetë pjesë e katalanasve edhe kur të pensionohet nga futbolli. Numri një i ekipit spanjoll tha ndër të tjera se argjentinasi do të luajë deri në moshën 45-vjeçare.
Lionel Messi nuk do të largohet kurrë nga Barcelona. Të paktën kështu shprehet numri një i klubit katalanas Josep Maria Bartomeu. Sipas presidentit të klubit spanjoll Messi do të jetë pjesë e Barcelonës edhe kur të pensionohet nga futbolli pasi i përket vetëm këtij klubi. Bartomeo shkon më tej kur thekson se argjentinasi mund të luajë edhe për 14 sezone të tjera me katalanasit, referuar formës fantastike që po kalon.
“Me këto ritme, Messi mund të luajë edhe 14 sezone të tjera. Gjithsesi jemi duke u përgatitur për largimin e tij dhe kjo është arsyeja që kemi investuar tek lojtarë si Dembele, Arthur apo Lenget. Nuk mendoj se ajo ditë do të jetë afër, por ne duhet të mendojmë për skuadrën pa Messin. Në seancat stërvitore në i drejtohemi futbollistëve duke i këshilluar të ushtrohen me Messin çdo ditë për të mësuar diçka te re. Kur të ndalojë së luajturi do të jetë sërish pjesë e Barcelonës në një mënyrë tjetër. Është e pabesueshme që Messi ka ruajtur formën në 15 sezone. Ai e ka bërë të jashtëzakonshmen të duket e zakonshme”, përfundon Bartomeo.
Në sezonin aktual, Messi ka realizuar 48 gola ne 46 takime, ndërkohë që ka dhuruar edhe 19 asiste./ABC News Albania 24/7
