Barcelona kërkon të rikthejë një nga talentet e akademisë në ekip. Dani Olmo, mesfushori i Spanjës U21, i cili luan me Dinamo Zagreb, ka shkëlqyer dhe për shërbimet e tij interesohen shumë klube të mëdha europiane.
Katalanasit gjithashtu e duan dhe kanë bërë hapin e parë. Mundo Deportivo raporton se Barcelona ka bërë një ofertë zyrtare për Dani Olmo. Kërkesat e kroatëve janë më të larta, por te Dinamo Zagreb do të duhet të mendohen mirë.
Anësori i djathtë, i cili mund të luajë edhe si sulmues i dytë, verën e vitit 2021 del lojtar i lirë. Kështu ata duhet të vendosin se çfarë do të bëjnë me Olmo, të cilin kurrsesi nuk e kanë luksin ta humbasin me parametra zero. /abcnews.al
