Jorge Mendes në aksion. Menaxheri i njohur po tenton të mbyllë një marrëveshje mes Manchester City dhe Barcelona, për këmbimin e tre futbollistëve. Një operacion që shërben edhe për të luajtur pak me llogaritë, si në rastin e marrëveshjes për Pjanic-Arthur me Juventusin.
City kërkon në skuadër portugezin Nelson Semoedo, i cili është lidhur edhe më parë me “Qytetarët”. Katalanasit nga ana tjetër marrin dy futbollistë në këmbim. Njëri është Joao Cancelo, i cili në të shkuarën ka luajtur në La Liga me Valencian, apo edhe në Serie A me Juventusin dhe Interin.
Barcelona do të marrë nga City edhe Eric Garcia, 19-vjeçarin spanjoll që është aktivizuar sivjet në Premier League në 12 ndeshje dhe shtatë prej tyre i ka nisur si titullar. Bisedimet kanë nisur dhe Mendes do tentojë ta mbyllë sa më shpejt këtë operacion merkatoje. /abcnews.al
