Trajneri i Barcelonës, Quique Setien, ka dhënë sot një intervistë për BeIN Sport, aty ku ka pranuar publikisht se Barcelona e tij, synon me doemos fitimin e Champions League, madje strategu spanjoll, është optimist se djemtë e tij do t’i shkojnë deri në fund kompeticionit më elitar për klube.
“Jemi të bindur se do të fitojmë Champions League këtë sezon. Duhet të përmirësojmë disa gjëra të vogla, por me bindje të plotë e them se kemi potencialin për t’i shkuar deri në fund këtij kompeticioni. Dhe sa herë që të më pyesni, do t’iu them “po, do ta fitojmë”. Kam besim te skuadra ime”, tha trajneri katalanas.
Barcelona e barazoi 1-1 sfidën e parë kundër Napolit në Sao Paolo, sfidë e vlefshme për raundin e 1/16-ve të UEFA Champions League. Ndeshja e dytë, nuk është luajtur ende, ndërsa sezoni në La Liga, rifillon me datë 8 qershor./acbnews.al
