Barcelona nuk “ngopet” gjatë kësaj merkatoje, edhe pse katalanasit kanë probleme me regjistrimin e lojtarëve për shkak të vështirësive financiare që kanë, por kjo nuk i ka ndaluar drejtuesit të bëjnë goditje “big”.
Pas lojtarit të Manchester Cityt, Bernardo Silvës, tashmë një tjetër futbollist që luan në Premier League ka rënë në radarët e blaugranave.
Sipas “Liverpool Echo” bëhet fjalë për Trent Alexander-Arnold për të kompletuar edhe skuadrën për sezonin e ri.
Sipas burimit në fjalë raportohet gjithashtu se Barça do të ofronte një tarifë transferimi prej 67 milionë funte apo 80 milionë euro për yllin e Liverpoolit.
Kjo shifër duket tepër e ulët duke marrë parasysh gjendjen e tregut të transferimeve dhe profilin e Alexander-Arnold, i cili konsiderohet si njëri nga mbrojtësit e djathtë më të mirë në futbollin botëror.
23-vjeçari ka kontratë me Liverpool deri në vitin 2025 dhe ka qenë në klub për të gjithë karrierën e tij pas ardhjes nga akademia e të rinjve.
Barça aktualisht ka lojtarë si Sergino Dest dhe Sergi Roberto për të luajtur në pozicionin e mbrojtësit të djathtë, por asnjëri nuk ka bindur me nivelin e treguar.
? Barcelona are planning on making a £67 million bid for Trent Alexander-Arnold pic.twitter.com/ZcOdl3b46w
— SPORTbible (@sportbible) August 4, 2022
/f.a/abcnews.al
