Javier Tebas u kthye për t’iu referuar publikisht situatës të Barcelonës dhe ardhjes së mundshme të Leo Messit në klubin katalanas gjatë merkatos së verës. Presidenti i La Liga-s dha një intervistë për “RMC”, ku shpjegoi situatën aktuale rreth kësaj çështje.
“Sot kthimi i Messi te Barcelona më duket i komplikuar. Çfarë rroge do të kishte Messi? Barça nuk është si PSG-ja që ka një rubinet gazi dhe para për të pasur një listë të madhe pagash. Nuk e di se si do të evoluojë kjo gjë, por duhet të plotësohen disa kushte”, tha presidenti i La Liga-s.
Tebas vuri në dukje gjithashtu se fatura e pagave duhet të ulet që të mund të regjistrohen lojtarët. Për të kjo situatë është si metroja, lërini të dalin që të mund të hyjnë./ h.ll/abcnews.al
