Në Hait të mërkurën u rrëmbye një autobuz me pasagjerë njoftoi policia sot. Ata ishin nisur nga Santo Domingo me destinacion Port-au-Prince.
Anëtarët e bandës, të cilët ishin të armatosur rëndë , ndaluan autobusin e linjës Capital Coach rreth orës 14:30, tha një oficer policie, i cili kërkoi të mos përmendet emri
Autoritetet nuk kanë qenë ende në gjendje të konfirmojnë numrin e pengjeve. Autobusi mbante 37 pasagjerë, sipas pronarit të kompanisë, Roosevelt Jean-Francois . Një grua, e cila mbeti e plagosur gjatë sulmit, po trajtohet. Të paktën shtatë persona në automjet u shpëtuan gjithashtu, tha policia.
Haiti – FLASH : A hijacked Capital Coach Line bus, 28 passengers taken hostageHaiti – FLASH : A Capital Coach Line bus hijacked, 28 passengers taken hostage https://t.co/aIWY0j3I7m via @HaitiLibre
— HaitiLibre (@HaitiLibre) January 19, 2023
Për shumë vite, bandat kriminale kanë nën kontroll zonën nga kufiri me Republikën Domenikane deri në Port-au-Prince dhe shpesh vjedhin kamionë me mallra ose mbajnë pengje. Në maj 2022, një autobus i një kompanie tjetër u vu në shënjestër nga një bandë në të njëjtën zonë. Më pas ata mbajtën peng pasagjerët, duke përfshirë tetë të rinj turq të cilët u liruan rreth një muaj më vonë. Pas sulmit, shërbimet ndërkufitare të autobusëve u pezulluan për disa muaj.
Haiti, i zhytur në një krizë politike vitet e fundit, aktualisht nuk ka zyrtarë të zgjedhur në nivel kombëtar, pasi zgjedhjet e planifikuara fillimisht për nëntor 2021 janë shtyrë vazhdimisht. Vrasja e Presidentit Jovenel Moise në korrik 2021 përshpejtoi konsolidimin e bandave në disa zona të vendit. /abcnews.al
