Banda e minave/ Eksperti: Grupet kriminale këtë ‘aktivitet’ e kanë bërë pjesë të biznesit

TIRANË– Eksperti i sigurisë, Fatjon Softa, i pranishëm në panelin e “360 Gradë” nga Artur Zheji tha se grupet kriminale veprojnë si biznes i ndarë.

Ai shtoi se dikush merret me drogë, dikush tjetër me lëndët eksplozive dhe të tjerë kanë shtrirë aktivitetin e tyre në trafikimin e qenieve njerëzore.

Ai ngriti shqetësimin sidomos tek përdorimin i lëndëve eksplozive, të cilat sipas tij gjenden kollaj në treg.

“Është bërë pjesë e biznesit. Grupet kriminale janë të ndara, dikush merret me lëndët narkotike , dikush me tregtimin e lëndëve eksplozive, dikush ka trafikimin e qenieve njerëzore. Etj. Kushdo që ka pasur nën plan të për bërë një akt kriminal. Gjëja me e thjeshtë ka qenë shko në treg dhe i kanë gjetur”, tha eksperti Fajton Softa./ abcnews.al