TIRANË- Ministrja e Infrastrukturës dhe Energjisë dhe njëherësh zv.kryeministrja Belinda Balluku teksa bëri një analizë vjetore të punës, u shpreh se fokusi do jetë edhe tek turizmi, ku sektorët e tjerë t’i shkojnë në ndihmë fluksit në rritje të vizitorëve.
Ajo theksoi se sektorët e tjerë duhet të jenë në funksion të turizmit.
“Kemi 57 % më pak, kemi ulur numrin e aksidenteve rrugore. Turizmi është një nga sektorët më të rëndësishëm në vend, të cilit duhet ti përgjigjemi edhe me sektorët e tjerë. Numri i vizitorëve kërkon infrastrukturë dhe një transport që t’i përgjigjet kërkesës”, tha Balluku.
Gjatë fjalës së saj, Balluku u shpreh se gjatë 2024 do të krijohet Agjencia e Transporti Publik, e cila sipas saj do të funksionojë në mënyrë të unifikuar në të gjithë vendin. Sipas Ballukut, përgjatë 2024 do ketë edhe bileta online, me qëllim shmangien e evazionit dhe përmirësimin e shërbimit.
“Gjatë vitit 2024, do krijojmë Agjencinë e Transportit Publik e cila do të shërbejë në mënyrë të unifikuar në të gjithë vendin. Do kemi bileta online. Do kemi rinovim të flotës së transportit publik.”, tha ajo./ n.m.abcnews.al
