Kreu i grupit Parlamentar të PS, Taulant Balla këtë të mërkurë ka qenë në Gramsh ku ka vizituar fabrikën e re të Prodhimit të Peletit Ushqimor që do të mbulojë 100% nevojat për rezervatet e peshkimit në gjithë vendin.
Balla përmes një përmes një postimi në rrjetin social Facebook, shkruan se ha[ja e fabrikës tashmë do të mundësojë të paktën 300 vende të reja pune për qytetarët në Gramsh.
“Të paktën 300 vende të reja pune për Gramshin në Fabrikën e re të Prodhimit të Peletit Ushqimor që do të mbulojë 100% nevojat për rezervatet e peshkimit në gjithë vendin. Aktualisht ky sektor i ekonomisë sonë furnizohet vetëm nga importi dhe ky investim e kjo fabrikë në Gramsh do të prodhojë “made in Albania”. Kjo është faza e parë! Bashkë me kolegët Angjeli dhe Bici si dhe me Kryetarin e Bashkisë Klodian Taçe inspektuam nga afër instalimin e makinerive dhe punën përfundimtare në këtë Fabrikë. Jam shumë krenar që ngrihet kjo Fabrikë e madhe duke krijuar këtë mundësi punësimi në Gramshin e njerëzve punëtorë. Brenda pak javëve fabrika starton prodhimin, ndërsa vazhdon njëkohësisht edhe trajnimi paraprak i punëtorëve”, shkruan Balla./abcnews.al
