Talenti nuk i mungon, por Cristiano Ronaldo ka punuar shumë për t’u bërë ai që është. Portugezi njihet për vullnetin e hekurt për t’u përmirësuar dhe fizikun e tij të frikshëm. Megjithatë, Jesus Olmo nuk e cilëson si atletin më të mirë që ka parë.
Ish-mjeku i Real Madrid ka punuar me CR7 te “Los Blancos”, por më i miri është një tjetër. Ai është Gareth Bale dhe Olmo thur elozhe për sulmuesin uellsian në prononcimin e dhënë për Ideal.
“Bale është një atlet natyral që mund të shkëlqejë në çdo sport. Gareth ka aftësi të jashtëzakonshme atletike dhe teknike. Është ai që më ka bërë më së shumti përshtypje në të gjithë aspektet, mund të jetë atleti më i mirë që kam parë“, deklaron Olmo. /abcnews.al
