Një ngjarje e rëndë ka tronditur dje Prishtinën, ku një baba ka vrarë djalin e tij. Ngjarja ka ndodhur pasditen e së mërkurës në rrugën “Ndue Perlleshi”, në Prishtinë ka mbetur i vdekur Albert Krasniqi.
Mediat në Kosovë bëjnë me dije se Skender Krasniqi është autori i kësaj ngjarje i cili pas vrasjes ka marrë në telefon policinë dhe ka thënë “Ejani se e vrava djalin”.
LEXO EDHE: “Ejani se kam vrarë djalin!”, i ati i Albert Krasniqit e njoftoi vetë policinë pas krimit
Lidhur me rastin kanë dhënë detaje për Gazetën Express nga policia e Kosovës.
“Menjëherë pas marrjes së informatës policia ka dalë në vendin e ngjarjes dhe po ndërmerr të gjitha veprimet e nevojshme që konsistojnë në hetimin e rrethanave që karakterizojnë ngjarjen. Aktualisht jemi në fazen fillestare të ndërmarrjes se veprimeve hetimore dhe atyre të ekzaminimit të vendngjarjes në funksion të ndriçimit të plotë të këtij rasti”, kanë deklaruar mbrëmë nga policia.
Babai i viktimës është arrestuar nga Policia e Kosovës dhe është konfiskuar arma, me të cilën dyshohet se është kryer vrasja.
Dyshohet se viktima ka pasur probleme familjare dhe ka kërcënuar prej disa ditësh familjarët e tij për t’ia plotësuar kushtet që kërkonte. Ndërkohë informacionet paraprake bëjnë me dije se ngjarja e rëndë ka ardhur pas një përplasje që viktima ka pas paraprakisht me babanë e tij, i cili i kishte kërkuar që të dorëzohej në Polici pasi ai kishte ushtruar dhunë ndaj ish-gruas së tij, Besa Gashin.
Albert Krasniqi ishte i martuar me ish-missin e Kosovës Besa Gashi, ndërsa së fundmi ata i dhanë fund martesës së tyre, pasi kishin pasur kriza edhe në të kaluarën. Nga martesa e tyre ata kanë edhe një vajzë./abcnews.al
