Vëllezërit Luan dhe Lulëzim Hasanaj dhë nëna e tyre Nure Hasanaj janë arrestuar tashmë në Malin e Zi me akuzën e vrasjes pasi dyshohet se ishin personat që ekzekutuan në makinë policin Milutin Lekoviç, teksa ky i fundit po i shoqëronte në komisariat sepse nuk kishin dokumente.
Siç raportojnë mediat malazeze, gjatë udhëtimit për në komisariat, Luan Hasanaj ka nxjerrë një armë që e mbante fshehur dhe ka qëlluar në kokë policin Lekoviç duke e lënë të vdekur në vend. Hasanaj, raportojnë mediat malazeze, tentoi të qëllonte edhe ndaj policit tjetër që ndodhej në makinë por arma u bllokua.
Abcnews.al ka siguruar foton e policit të vrarë duke mësuar gjithashtu edhe ai është babai i një vajze 10 vjeçe.
Lekoviç jetonte në Hercegh Novi ku edhe shërbente prej disa vitesh në policinë lokale.
Vëllezërit Hasanaj ishin të dënuar në Shqipëri me akuzën e plagosjes së rëndë me dashje duke bërë që të mos donin të shkonin në komisariatin e policisë Herceg Novi ku edhe do tu zbulohej “sekreti”.
Me ta ishte dhe nëna Nure Hasanaj, edhe ajo e arrestuar, por nuk ka të dhëna nëse ajo ka të bëjë me krimin e dy ditëve më parë. /abcnews.al
