Babai i Boris Johnson e ka cilësuar djalin e tij si “luftëtar”, pasi kryeministri vazhdon betejën me trajtim intensiv për Covid-19.
Stanley Johnson, 79 vjeç, i cili po ashtu është izoluar pas infektimit të të birit, tha se ecurinë e shëndetit të djalit është i detyruar ta ndjekë përmes lajmeve. Ai thekson se djali i tij është rritur në kushte të vështira, por është i fortë.
“Po dëgjoj vetëm në lajme sesi është gjendja e tij e nuk po informohem nga askush. Por ai është optimist, i qëndrueshëm dhe i fortë. Boris mund të mbështesë idetë e tij në faktin se kur ka qenë i vogël është rritur në një fermë, me kushte të vështira”, ka thënë Stanley Johnson, babai i kryeministrit të Britanisë Boris Johnson.
Në një intervistë për DailyMail, babai i Johnson ka shtuar se djali i tij është rritur në një fermë të vogël dhe me ajër të pastër.
“Karakteri i djalit tim është formuar këtu, në një fshat të vogël që quhet Winsford. Ai është rritur në fermë kodrinore me delet”, ka thënë ai. /abcnews.al
