Azerbajxhani paralajmëroi për herë të fundit Armeninë, e cila po vazhdon të sulmojë vendbanimet civile. Ministria e Mbrojtjes tha në një deklaratë se qyteti Terter është bombarduar nga forcat armene që nga mëngjesi i sotëm.
“Vendi do të marrë të gjitha masat e duhura kundër Armenisë nëse është e nevojshme.”
Ministria gjithashtu ndau pamjet ajrore të shkatërrimit të tankeve dhe mjeteve të blinduara armene gjatë luftimit.
Përplasjet kufitare shpërthyen të dielën pasi forcat armene shenjestruan vendbanimet civile të Azerbajxhanit dhe pozicionet ushtarake në rajon, i cili njihet gjithashtu si Karabak i Epërm.
Marrëdhëniet midis dy ish kombeve Sovjetike kanë qenë të tensionuara që nga viti 1991, kur ushtria armene pushtoi Karabakun e Epërm, një territor i njohur ndërkombëtarisht i Azerbajxhanit.
Katër rezoluta të Këshillit të Sigurisë të OKB-së dhe dy rezoluta të Asamblesë së Përgjithshme të OKB-së si dhe shumë organizata ndërkombëtare kërkojnë tërheqjen e trupave pushtues.
Grupi i Minskut i OSBE-së, i kryesuar nga Franca, Rusia dhe SHBA-ja-u formua në 1992 për të gjetur një zgjidhje paqësore të konfliktit, por pa rezultat. Sidoqoftë, një armëpushim u vendos në 1994.
Franca, Rusia dhe NATO kanë kërkuar një armëpushim të menjëhershëm të konflikteve në rajonin e diskutuar. s.ba/abcnews.al
