Një aksident është shënuar në orët e para të mëngjesit të së enjtes në Shkodër. Gazetari Simon Shkreli raporton se një automjet me targa angleze është përplasur me një taksi të ndaluar në qendër të qytetit.
Si pasojë e aksidentit, ka mbetur i dëmtuar pasagjeri në taksi, i cili ndodhet jashtë rrezikut për jetën. Sakaq, grupi hetimor në polici po punon për të sqaruar rrethanat e këtij aksidenti.
“Në orët e para të mëngjesit, në bulevardin “Skënderbeu”, shtetasi 23 vjeç, banues në Angli, duke drejtuar automjeti tip “BMW”, ka humbur kontrollin dhe automjeti ka përplasur një automjet taksi të ndaluar në rrugë. Si pasojë është dëmtuar pasagjeri në automjetin taksi, i cili është jashtë rrezikut për jetën. Grupi hetimor po punon për të sqaruar rrethanat e aksidentit.”, njofton policia./abcnews.al
