Policia britanike ka arrestuar shoferin e një automjeti, i cili u përplas me murin rrethues të parlamentit britanik, duke lënë të plagosur disa persona. Pista më e mundshme e hetimeve është ajo e terrorizmit, edhe pse për momentin nuk ka një konfirmim zyrtar.
Një automjet është përplasur me murin rrethues të parlamentit të Uestminster në Londër. Shoferi u arrestua nga policia, ndërsa disa kalimtarë mbetën të plagosur, por asnjeri prej tyre nuk është në rrezik për jetën. Përplasja ndodhi mëngjesin e së martës, ndërsa policia ka blinduar një zonë të gjerë si dhe bllokoi disa nga pikat kryesore, në një moment që kanë nisur hetimet për një akt të mundshëm terrorizmi.
Menjëherë pas aksidentit, agjentët rrethuan automjetin dhe arrestuan personin me ngjyrë, i cili kishte veshur një bluzë me kapuç.
Sipas dëshmitarëve okularë, automjeti u përplas qëllimisht me kalimtarët para se të përfundonte në murin e parlamentit. Ndër të plagosurit ka dhe disa çiklistë./abcnews.al
