Policia australiane arrestoi sot shtatë adoleshentë në bastisje në të gjithë Sidnein, të akuzuar për ndjekje të një ideologjie të dhunshme ekstremiste. Të miturit, të moshës 15 deri në 17 vjeç, ishin pjesë e një rrjeti që përfshinte një djalë 16-vjeçar të akuzuar për plagosjen me thikë të një peshkopi në një kishë të Sidneit më 15 prill, raporton AP.
Pesë adoleshentë të tjerë janë ende duke u marrë në pyetje nga Ekipi i Përbashkët Kundër Terrorizmit, i cili përfshin policinë federale dhe të shtetit, si dhe Organizatën Australiane të Inteligjencës së Sigurisë.
Më shumë se 400 oficerë ekzekutuan 13 urdhra kërkimi në të gjithë Sidnein jugperëndimor, sepse të dyshuarit besohej se ishin një kërcënim i menjëhershëm i sigurisë, tha Zëvendës Komisioneri i Policisë NSW, David Hudson.
Zëvendëskomisionerja e Policisë Federale Australiane, Chrissy Barrett, tha se hetuesit nuk kishin gjetur asnjë provë për objektiva ose kohë specifike të ndonjë akti të dhunshëm të planifikuar.
Të premten, një djalë 16-vjeçar u akuzua për një akt terrorizmi, një krim që parashikon një dënim maksimal me burgim të përjetshëm, pas një sulmi me thikë ndaj një peshkopi ortodoks asirian dhe një prift./abcnews.al
