Atletico Madrid po fiton garën me Juventusin për të transferuar nga Udinese mbrojtësin e krahut të djathtë, Nahuel Molina.
Argjentinasi ka spikatur në kampionatin italian dhe kjo nuk ka kaluar pa u vënë re te spanjollët, që duan të përforcojnë prapavijën.
Klubi nga Madridi është shumë pranë marrëveshjes me Udinesen dhe në këtë operacion do të përfshihet edhe një futbollist tjetër.
Në këmbim të Molina, Atletico ka ofruar një argjentinas tjetër dhe para. Bëhet fjalë për Nehuen Perez, i cili vjet ishte te italianët në huazim dhe luajti 20 ndeshje me ekipin nga Friuli në kampionat.
