Atalanta është kthyer në një makineri golash dhe merita nuk iu takon vetëm lojtarëve ofensivë. 93 herë e kanë dërguar topin në rrjetat kundërshtare djemtë e Gasperinit në Serie A, një shifër gati e pabesueshme, dhe rekordi mund të përmirësohet në pesë javët që kanë mbetur.
Robin Gosens aktivizohet në rolin e mbrojtësit të majtë, por shifrat i ka të jashtëzakonshme. 26-vjeçari gjerman numëron 9 gola dhe 8 asiste në kampionat, numra që e bëjnë mbrojtësin më efikas përpara portës kundërshtare, në pesë kampionatet kryesore evropiane.
17 gola+asiste nuk janë pak dhe Gosens ka lënë pas emra si Trent Alexander-Arnold dhe Andreë Robertson të Liverpool. Një sezon fantastik për lojtarin e Atalantës, që shpenzoi vetëm 900 mijë euro për ta blerë nga Heracles verën e vitit 2017. /abcnews.al
17 – Robin #Gosens è il difensore che ha preso parte a più reti in questa stagione nei top-5 campionati europei: 17 (9 gol + 8 assist). Formidabile.#AtalantaBrescia #SerieA pic.twitter.com/BVxwVeCAWC
— OptaPaolo (@OptaPaolo) July 14, 2020
