AstraZeneca ka ulur sërish dozat e dërguara në Bashkimin Evropian gjatë tremujorit të parë në rreth 30 milion doza, një e treta e detyrimeve të saj kontraktuale dhe një rënie prej 25 për qind nga premtimet e bëra muajin e kaluar. Kjo sipas një dokumenti të parë nga Reuters.
Mungesa e dozave është një goditje e mëtejshme në planet e vaksinimit të BE-së që tashmë janë penguar nga vonesat e përsëritura të furnizimit. Dokumenti i AstraZeneca, i ndarë me zyrtarët e BE që mban datën 10 mars, tregon se kompania tani pret të dorëzojë 30.1 milionë doza deri në fund të marsit dhe 20 milionë të tjera në prill.
Më 25 shkurt, shefi i AstraZeneca Pascal Soriot i tha Parlamentit Evropian se kompania do të përpiqej të dorëzonte 40 milionë doza deri në fund të marsit.
Dokumenti tregon se në 24 shkurt, kompania anglo-suedeze kishte vlerësuar një furnizim me vetëm 34 milionë doza në BE për periudhën janar-mars, shumë poshtë objektivit të saj të kontraktuar prej 90 milion dozash.
Shkurtimi i radhës i dozave pason një vendim javën e kaluar nga Italia dhe Komisioni Evropian për të bllokuar një dërgesë të vaksinave AstraZeneca nga Italia në Australi, në aplikimin e parë të një mekanizmi të BE që lejon bllokun të refuzojë kërkesat e eksportit nga prodhuesit e vaksinave që nuk janë në përputhje me kontratat e furnizimit të BE-së. sb/abcnews.al/
