Një asteroid i madh, me madhësinë e një minibusi, iu afrua Tokës, vetëm disa mijëra kilometra mbi sipërfaqen e planetit. Kjo ka ndodhur sot në orën 1:30 të mëngjesit me orën tonë, siç njoftoi NASA me pamjet e asteroidit të quajtur “2023 BU”, duke u transmetuar drejtpërdrejt përmes teleskopëve robotikë.
Sipas BBC, asteroidi kaloi “afër” Tokës disa orë më parë dhe nëse nuk do të ishte zbuluar nga një astronom amator, as që do të dinim për të. Me madhësinë e një minibusi, shkëmbi hapësinor, i njohur si 2023 BU, kaloi mbi majën jugore të Amerikës së Jugut në një distancë prej 3600 km nga sipërfaqja e Tokës. Me një diametër të vlerësuar nga 3,5 deri në 8,5 metra, asteroidi u shpërbë lart në atmosferë, duke krijuar një top zjarri mbresëlënës.
Është një nga afrimet më të afërta të asteroideve të regjistruara ndonjëherë, në një distancë të vlerësuar prej vetëm 3600 kilometrash nga sipërfaqja e planetit tonë. Kjo është më pak se 3% e distancës mesatare Tokë-Hënë. Mund të tingëllojë si një distancë e gjatë, por ky asteroid është i katërti më afër që kalon nga Toka që nga fillimi i regjistrimeve.
Vlen të përmendet se graviteti i planetit tonë tërhoqi asteroidin 2023 BU dhe “rregulloi” kursin e tij në hapësirë. “Përpara se të takonte Tokën, orbita e asteroidit rreth Diellit ishte afërsisht rrethore, duke iu afruar orbitës së Tokës dhe u deshën 359 ditë për të përfunduar orbitën e tij rreth Diellit”, tha agjencia hapësinore amerikane. Nga ana e saj, NASA u sigurua shpejtkomunitetit ndërkombëtar se nuk ka asnjë rrezik për planetin tonë. “Një asteroid i vogël afër Tokës do të ketë një takim shumë të afërt me planetin tonë, pak mbi majën jugore të Amerikës së Jugut, vlerësohet të jetë vetëm 3600 kilometra nga sipërfaqja e Tokës. Kjo është më pak se 3% e distancës mesatare midis Tokës dhe Hënës. Mund të tingëllojë si një distancë e gjatë, por ky asteroid do të jetë i katërti më afër që do të kalojë pranë Tokës që nga fillimi i regjistrimeve.”
Çfarë janë asteroidet?
Ata janë trupa të vegjël të sistemit diellor, të cilët janë në orbitë rreth Diellit. Shumica dërrmuese e asteroidëve janë të përqendruar në dy Rripa: Brezi Kryesor i Asteroidëve dhe Brezi Kuiper. Asteroidët konsiderohen si mbetje nga formimi i Sistemit Diellor dhe vlerësohet të jenë miliona prej tyre. Madhësia e tyre varion nga disa dhjetëra metra në qindra kilometra./abcnews.al
