Drita është gati për ndeshjen kundër Legia Warsaw, e programuar të luhet më 24 shtator. Kampionët e Kosovës luajnë në transfertë dhe normalisht kalimi në fazën “play-off” të Europa League nuk do të jetë e lehtë.
Gjithsesi ata do të japin maksimumin për të dalë pa pengje nga fusha e lojës. Ditën e sotme te Dritsa ndërkohë kanë marrë edhe një lajm të mirë, pasi nuk ka asnjë lojtar të infektuar me Covid-19 mes lojtarëve, stafit dhe zyrtarëve të klubit që do të fluturojnë drejt Polonisë.
“Klubi jonë FC DRITA dje është testuar për testet e Covid-19 në prag të ndeshjes me Legia Warsaw që do të zhvillohet në Poloni. Sapo morëm lajmin e mirë se të gjithë të testuarit kanë rezultuar NEGATIV. Sfida me Covid-19 është fituar dhe tani fokusohemi tërësisht për ndeshjen. Forca Drita”, njofton klubi nga Gjilani përmes rrjeteve sociale. / abcnews.al
