Loading ...
Superliga e la në plan të dytë, por UEFA javët e fundit miratoi formatin e ri të Champions League, që hyn në praktikë prej sezonit 2024-2025.
Në këtë format 6 skuadra do të marrin pjesë të mbledhura në një grup të vetëm. Secila skuadër, në një lloj mini-kampionati në një grup sipas shortit, do të luajë dhjetë ndeshje: 5 në shtëpi dhe 5 jashtë.
Ekipet e renditura në tetë vendet e para do të kualifikohen direkt në raundin e 1/8-ve (duele me eliminim direkt si formati aktual), ndërsa ekipet e renditura nga vendi i nëntë deri në të pozicionin numër 24 do të luajnë play-off për të përcaktuar 8 ekipet e tjera të kualifikuara në raundin e 1/8-ve.
Në këto kushte skuadrave do i duhet të luajnë 4 ndeshje më shumë se formati aktual, pra nëse sivjet skuadrat finaliste luajnë 13 ndeshje, nga viti 2024 finalistët do të jenë të detyruar të luajnë 17 ndeshje.
With all the Super League stuff going on… can we please also speak about the new Champions League format? More and more and more games, is no one thinking about us players?
The new UCL format is just the lesser of the two evils in comparison to the Super League…— Ilkay Gündogan (@IlkayGuendogan) April 22, 2021
Ilkay Gundogan, mesfushori i Manchester Cityt ka folur së fundmi në lidhje me këtë çështje dhe ka kritikuar UEFA-n për faktin se nuk mendojnë për lodhjen e lojtarëve prej numrit të madh të ndeshjeve.
“Me gjithë zhvillmet e Superligës së Europës në vazhdim, a mund të flasim gjithashtu për formatin e ri të Champions League? Gjithnjë e më shumë ndeshje, a nuk mendon askush për ne lojtarët? Formati i ri i Champions League është vetëm e keqja më e vogël krahasuar me Superligën”, u shpreh Gundogan. /abcnews.al
