Mund të jesh I rëndësishëm edhe kur nuk shënon vetë.
Kjo vlen sidomos për një mbrojtës, por edhe për lojtarë të tjerë me përjashtim të sulmuesve.
Mario Mitaj e bëri sërish duke shërbyer asist në ndeshjen e madhe të Ligës Profesioniste Saudite mes Al Itihadit të tij dhe Al Nasrit me kapiten Kristiano Ronaldon.
Përballja në stadiumin me emrin e mbretit Abdullah përfundoi 2-1 për vendasit, pra për ekipin e Mitajt, I cili dha topin për golin përcaktues.
Fillimisht, shënuan yjet e ardhur nga Europa, Karim Benzema për Al Itihadin, dhe pastaj Kristiano Ronaldo për Al Nasrin, dhe sfida e kampionatit u duk se do të përfundonte 1-1.
Në minutën e fundit, Mitaj pasoi për belgun Bergvejn që vulosi rezultatin 2-1.
I dalluar edhe Arbër Hoxha në Ligën e Parë të Kroacisë.
Lojtari ofensiv I kombëtares dha asistin e parë të sezonit, në sfidën mes Dinamos së Zagrebit dhe Slaven Belupos.
Përfundoi 1-1 në stadiumin “Maksimir”, dhe Dinamo ka 4 ndeshje pa fitore në Ligë, dhe ka zbritur në vendine tretë, duke iu larguar Hajdukut.
Hoxha ka dy gola dhe një asist këtë vit në kampionat. /abcnews.al
