Interi vazhdon të studiojë alternativa në merkato, për të përforcuar sa më shumë repartin e mesfushës. Një tjetër emër ka dalë në skenë dhe ai është Corentin Tolisso. 25 vjeçari iu bashkua Bayern Munchen nga ekipi i Lyon në verën e vitit 2017, për një shumë që i kalon 40 milion eurot.
Sipas Gazzeta Dello Sport, Tolisso është në krye të listës së dëshirave të drejtorit Marotta. Madje, francezi është edhe para Vidal, që prej kohësh po mendohet se do të kalojë te zikaltërit.
Tolisso ka luajtur 24 ndeshje me Bayernin këtë sezon, ku ka shënuar 3 gola dhe ka asistuar 5 herë. Përveç Tolisso, Interi synon edhe firmat me Sandro Tonalin dhe Gaetano Castrovilli, dy nga talentët e mëdhenj të futbollit italian. /abcnews.al
