Pas teknikut Guardiola, në një koneferencë për shtyp në prag të ndeshjes së 31-të të Kampionatit anglez të futbollit, Premier League ka folur dhe trajneri i Arsenal, Mikel Arteta.
Gjatë konferencës Arteta u shpreh se përveç zotësisë, “topçinjve” të tij do t’i duhej dhe pak fat për të arritur trofeun e shumëkërkuar për 19 vite.
“Ju duhet fat në kohën e duhur. Sporti ka një anë tjetër, ndonjëherë bëhet fjalë për centimetra. Dhe këto centimetra duhet të jenë në favorin tuaj. Ne jemi aty ku jemi. Tani duhet t’i përfundojmë gjërat. Për ta bërë këtë, ne kërkojmë që të gjithë të japin më shumë”,- u shpreh Arteta në fjalën e tij.
Ndërkaq, kujtojmë se Arsenal kryeson në Premier League me 6 pikë më shumë se Manchester City, që ndodhet në vendin e dytë, mirëpo këto të fundit kanë një ndeshje në dorë. /i.m /abcnews.al
