Arsenali ia doli të mposhtë në shtëpi 4-2 Leeds United dhe u rikthye te tre pikët në kampionat pas tre javëve pa fitore. Një përballje shumë e bukur u zhvillua në Londër, sfidë rreth së cilës foli trajneri Mikel Arteta për mediat.
“Jam shumë i kënaqur me rezultatin dhe paraqitjen që kryem ndaj një skuadre fantastike që ta nxin jetën. I menaxhuam shumë mirë situata sot. Në pushim të ndeshjes ja u bëra të qartë djemve që Leeds United nuk do të dorëzohej.
Ashtu ndodhi dhe na vunë në vështirësi në pjesën e dytë. Duhet të japësh maksimumin gjatë gjithë 90 minutave për të fituar këto lloj takimesh. Sasia e rasteve që krijuam dhe mënyra se si i shënuam golat, më krijuan entuziazëm.
Performanca si kjo e sotmja ndaj një ekipi si Leeds United, na e rrisin besimin te vetja. Odegaard? Martin zhvilloi një ndeshje të shkëlqyer. Vrapoi pa fund dhe ishte thjesht fantastik sot“, përfundoi trajneri i “Topçinjve”. /abcnews.al
