Shansi i dytë për Memphis Depay. Me Manchester United, që e kishte blerë 34 milion euro nga PSV, nuk ia doli, kurse tani duhet të tregojë se është lojtar i madh me fanellën e Barcelonës.
Ronald Koeman e do në ekip dhe tani raportohet se katalanasit kanë gjetur gjuhën e përbashkët edhe me Lyon. Sulmuesi anësor ishte bindur prej ditësh nga propozimi i bërë dhe gjatë kësaj jave pritet që ky transferim të zyrtarizohet.
TOPTRANSFER voor @Memphis. @FCBarcelona neemt Depay (26) over van Olympique Lyon.https://t.co/RajoVIqVVf
— Mike Verweij (@MikeVerweij) September 14, 2020
Lyon do të përfitojë nga shitja e sulmuesit 30 milion euro, ndërkohë që holandezi e pret një kontratë e vlefshme deri në mes të vitit 2024. Koeman e njeh mirë Depay, pasi e ka pasur nën urdhra te kombëtarja holandeze dhe pret ta ndihmojë Barcelonën e tij për arritjen e objektivave. /abcnews.al
