Marrëveshja është arritur, Fikayo Tomori është goditja e tretë e Milanit në këtë merkato. Kuqezinjtë kanë arritur akordin me Chelsea dhe 23-vjeçari anglez do të zbarkojë nesër në Milano.
Qendërmbrojtësi vjen te Milani në huazim me të drejtë blerje në fund të sezonit. Një përforcim i rëndësishëm për skuadrën e Stefano Piolit, i cili mund ta aktivizojë lojtarin dhe në krahun e djathtë të mbrojtjes.
? Confermato: domani #Tomori arriva a Milano #Milan #calciomercato
— Antonio Vitiello (@AntoVitiello) January 21, 2021
Tomori ka dalë nga moshat e “Bluve të Londrës”, teksa është aktivizuar rregullisht me kombëtaret e moshave të Anglisë. Nëntorin e vitit 2019 debutoi edhe me kombëtaren e madhe në takimin Kosovë-Angli.
Lojtari defensiv do të kryejë nesër vizitat mjekësorë dhe më pas do të prezantohet si përforcimi i fundit i Milanit, ekipit që kryeson kampionatin italian të futbollit. /abcnews.al
