Sekretarja e Përgjithshme e Ministrisë së Shëndetësisë, Joana Duro është arrestuar pasditen e kësaj të premteje me urdhër të Prokurorisë së Posaçme.
Ajo është arrestuar në flagrancë për veprën penale të korrupsionit. Dyshohet se Sekretarja e Përgjithshme e Ministrisë së Shëndetësisë ka përfituar para për një tender.
Për të njëjtën akuzë, në pranga ka përfunduar edhe një tjetër punonjëse e këtij dikasteri. Bëhet fjalë për Laura Sheto, me detyrë specialiste te zyra e prokurimeve.
Dy zyrtaret e Ministrisë së Shëndetësisë janë mbajtur nën monitorim nga SPAK dhe hetimet ndaj këtij rasti janë ndjekur nga vetë kreu i këtij institucioni, Altin Dumani.
Prokuroria e Posaçme njofton se për momentin nuk mund të jepen informacione të tjera, pasi operacioni është në zhvillim e sipër dhe priten të tjera arrestime. /abcnews.al
