Loading ...
Një mjek kirurg në Spitali i Korçës është arrestuar në kushtet e flagrancës pasi akuzohet për ngacmim seksual ndaj një pacienteje 21-vjeçare.
Sipas kallëzimit të bërë nga e reja, ajo ishte paraqitur në urgjencë për shkak të dhimbjeve të barkut dhe të vjellave, ndërsa pas ekzaminimeve mjekësore ishte vendosur që t’i nënshtrohej një ndërhyrjeje për apandesit.
21-vjeçarja ka dëshmuar se kirurgu Nikolla Nunka, 72 vjeç, e ka prekur në pjesë intime me pretendimin se po kryente kontroll mjekësor.
Pas marrjes së dëshmisë nga policia, autoritetet nisën procedimin penal ndaj mjekut, ndërsa më pas u bë arrestimi i tij në flagrancë.
E reja vijon të ndodhet e shtruar në spital, ndërsa hetimet për rastin janë në vijim.
(Kirurgu Nikolla Nunka)
