Arrestohet 25 vjeçari nga Tropoja, shpërndante drogë, në shtëpi i gjenden dhe fishekë armë

schedule09:27 - 23 Tetor, 2020

schedule 09:27 - 23 Tetor, 2020

Arrestohet një 25-vjeçar pasi sipas policisë kishte informacion se i riu shpërndante dhe posedonte lëndë narkotike.

Pas kontrolit në banesën e tij, policia ka sekuestruar një sasi lënde narkotike dhe 80 fishekë.

Njoftimi i Policisë:

Efektivët e Komisariatit të Policisë Tropojë, në vijim të punës për goditjen e veprimtarisë kriminale në fushën e narkotikëve, mbi bazën e informacioneve të marra në rrugë operative se një shtetas posedonte dhe shpërndante lëndë narkotike në doza të vogla, kanë ushtruar kontroll në banesën e shtetasit K. B., banues në fshatin Cërnicë, Tropojë.

Si rezultat i kontrollit në banesën e tij, Policia gjeti dhe sekuestroi në cilësinë e provës materiale 184 gramë lëndë të dyshuar narkotike cannabis sativa dhe 80 fishekë.

Në vijim të veprimeve, shërbimet e Policisë arrestuan në flagrancë shtetasin K. B., 25 vjeç, banues në fshatin Cërnicë, Tropojë.

Materialet iu referuan Prokurorisë pranë Gjykatës së Shkallës së Parë Tropojë, për veprat penale “Prodhimi dhe shitja e narkotikëve” dhe “Mbajtja pa leje e armëve luftarake dhe municionit”.

n.d./abcnews.al