Policia e Shtetit në Shqipëri nuk ka dhënë ende informacion zyrtar në lidhje me arrestimin e Indrit Taullait në Kosovë. Gazetarja Glidona Daci u interesua pranë policisë pasi sipas mediave kosovare, Taullai është arrestuar për llogari të drejtësisë shqiptare. Policia shqiptare thotë se nuk ka ende të dhëna nga Prishtina lidhur me këtë çështje.
Ndërkohë burime nga prokuroria bëjnë me dije për ABC se është e paqartë arsyeja e arrestimit të Indrit Taullait, i cili ishte liruar me kusht në 29 qershor të vitit 2017 me vendim të Gjykatës së Lartë.
Taullai u arrestua ditën e sotme në Kosovë, dhe sipas mediave kosovare ishte futur brenda këtij territori që prej ditës së djeshme. Ai ka qenë i dënuar me 25 vite burg pasi u arrestua si pjesë e grupit “Banda e Durrësit” të cilët akuzohen për një sërë vrasjesh për hakmarrje ndaj grupeve kriminale rivale./mv.abcnews.al
