Presidenti francez Emmanuel Macron foli veçmas me presidentin rus Vladimir Putin dhe më pas me presidentin ukrainas Volodymyr Zelensky të hënën. Telefonata me Putinin zgjati një orë e 30 minuta, sipas Pallatit Élysée.
Macron tha se ai bëri presion për “nevojën për të zbatuar një armëpushim të menjëhershëm”.
Granatimet e fundit të qytetit të Kharkiv kanë lënë të vdekur një grua civile dhe 31 të plagosur, sipas këshillit të qytetit.
Të plagosurit përbëhen nga 15 ushtarakë dhe 16 civilë, sipas një deklarate për shtyp nga këshilli i qytetit.
Gjatë ditëve të fundit, këshilli i qytetit ka regjistruar 44 të plagosur, përfshirë 20 ushtarakë dhe gjithsej shtatë të vrarë. Shtatë viktimat përfshijnë dy ushtarakë dhe pesë civilë.
Forcat ukrainase zmbrapsën me sukses një avancim rus të dielën në një fushë ajrore strategjike pranë Kharkiv, qyteti i dytë më i madh i Ukrainës, i cili ka qenë nën sulm pothuajse të vazhdueshëm. /abcnews.al/
