Një grua dhe një fëmijë humbën jetën pasi u sulmuan nga një ari polar në një komunitet të izoluar në bregun perëndimor të Alaskës, një ngjarje jashtëzakonisht e rrallë.
Sipas hetimit fillestar, “ariu hyri në Uells, një fshat bregdetar aborigjen në ngushticën e Beringut, pasi kishte ndjekur disa banorë. Ai sulmoi dhe vrau një grua dhe një djalë, më pas u vra nga një banor i zonës”, tha policia.
Në lajmet e përditshme Anchorage, gazeta më e madhe e Alaskës, raportoi se sulmi i fundit fatal i ariut polar në shtet ishte në vitin 1990. Sipas organizatës joqeveritare Polar bear international, midis viteve 1870-2014 ka pasur gjithsej 73 sulme dhe 20 viktima. Megjithatë, frekuenca e sulmeve është në rritje.
Në Alaskë, arinjtë polarë jetojnë ekskluzivisht në brigjet veriore dhe perëndimore të shtetit. Ndryshimet klimatike, për shkak të të cilave po shkrihen ishujt e akullit, habitati natyror i arinjve polarë, kërcënojnë këtë specie me zhdukje. /abcnews.al
