Agim Ademi, presidenti i Federatës së Futbollit të Kosovës, ka vizituar sot Arenën Kombëtare. Kreu i FFK-së ka qenë i shoqëruar nga Eroll Salihu, i cili mban postin e sekretarit të përgjithshëm të Federatës dardane.
Armando Duka, presidenti i FSHF-së, së bashku me Ilir Shulkun, sekretarin e përgjithshëm, kanë pritur homologët nga Kosova.
Ademi dhe Salihu ndoqën nga afër ambientet, teksa Arben Dervishi dhe Luan Minxhozi, dy përgjegjësit e këtij projekti, shpjeguan punimet e kryera në stadium. Temë e bisedimeve ishte edhe zgjerimi i stadiumit “Fadil Vokrri” në Prishtinë./abcnews.al
