Apple ka ndryshuar emojin e shiringës duke e zëvendësuar gjakun që gjendet brenda saj me përbërje të vaksinës, për shkak të vaksinimit global që po ndodh kundër koronavirusit.
“Kjo e bënë emojin më të gjithanshme kur bëhet fjalë për përshkrimin e vaksinës kundër COVID-19”, ka shpjeguar Emojipedia, faqja online e cila i përzgjedh emojit.
Sipas BBC, kjo faqe ka vërejtur përdorimin masiv të kësaj shiringe në rrjetet sociale për të folur rreth vaksinës kundër koronavirusit.
Duke nisur nga muaji dhjetor emoji i shiringës është shoqëruar edhe me fjalët si “vaksinë”, “Covid- 19”, “Pfizer” dhe “Moderna”./abcnews.al
