Apple dhe Google njoftuan të premten një bashkëpunim për të nxitur teknologjinë e smartphone, për të ndihmuar në gjurmimin e koronavirusit.
Bashkëpunimi do të hapë sistemet e tyre operative për të lejuar krijimin e aplikacioneve të përparuara të “gjurmimit të kontaktit”, të cilat do të funksionojnë njësoj me iPhone dhe telefonat Android.
Aplikacionet do të funksionojnë duke përdorur teknologjinë Bluetooth në telefonat mobile për të ndjekur çdo telefon tjetër me të cilin një person afrohet shumë gjatë një dite; nëse ai person më vonë zbulon se ka Covid-19, ata mund të përdorin të njëjtin sistem për të paralajmëruar të gjithë njerëzit, me të cilët kanë patur kontakte që përpara se të ishin infektuar.
Ideja është të ndihmojmë qeveritë kombëtare të përdorin këto aplikacione për gjetjen e kontaktit për të lejuar që bllokimet të hiqen më herët, duke i ndihmuar autoritetet për të identifikuar grupimet e reja të infeksionit. Teknologjia gjithashtu do të ndihmojë ata që janë ekspozuar ndaj një personi me Covid-19, që të izolohet para se të infektohen.
Tashmë janë ngritur shqetësime për efektivitetin e një teknologjie të tillë dhe shqetësimet e privatësisë për zbatimin e saj. Kompanitë po zgjedhin të përdorin Bluetooth për të ndjekur kush ka qenë në kontakt me të prekur nga Covid-19 dhe jo shërbimet e vendndodhjes për të mbrojtur privatësinë e përdoruesit.
“Asnjë aplikacion i gjurmimit të kontaktit nuk mund të jetë plotësisht efektiv derisa të ketë një testim të përhapur, falas dhe të shpejtë dhe qasje të barabartë në kujdesin shëndetësor,-” tha Jennifer Granick, këshilltari i mbikëqyrjes dhe sigurisë në internet në ACLU. “Njerëzit do t’u besojnë këtyre sistemeve vetëm nëse mbrohet privatësia, nëse mbeten vullnetare dhe ruajnë të dhëna në pajisjen e një individi, jo në një depo të centralizuar.”
Aplikacione të ngjashme tashmë janë parashikuar në kombet përfshirë Singaporin dhe Kinën. Në Europë, Republika Çeke thotë se do të lëshojë një aplikacion të tillë këtë muaj. Britania, Gjermania dhe Italia po zhvillojnë gjithashtu mjetet e tyre të gjurmimit.
Apple dhe Google thanë në një njoftim të përbashkët se privatësia dhe siguria e përdoruesit janë të inkuadruara në hartimin e planit të tyre. Pam Dixon, drejtoresha ekzekutive e Forumit Botëror të Privatësisë, tha që do të shohë nga afër garancitë e privatësisë së kompanive dhe për prova, të dhënat shëndetësore që ata mbledhin do të fshihen pasi të mbarojë urgjenca.
“Njerëzit po vdesin. Duhet të shpëtojmë jetë. Të gjithë e kuptojnë këtë,” -tha ajo. “Por në një moment, ne do të duhet të kuptojmë pasojat e privatësisë së kësaj.”
Ekspertët e sigurisë gjithashtu vërejnë se teknologjia vetëm nuk mund të gjurmojë në mënyrë efektive dhe të identifikojë njerëzit që mund të jenë infektuar nga transportuesit e Covid-19. Përpjekje të tilla do të kërkojnë mjete të tjera dhe ekipe të punonjësve të kujdesit shëndetësor publik për të gjurmuar njerëzit në botën fizike, thonë ata. Në Korenë e Jugut dhe Kinë, përpjekje të tilla kanë përfshirë përdorimin e kartave të kreditit.
Duke pasur parasysh nevojën e madhe për gjurmim efektiv të kontaktit, kompanitë do të përdorin ndryshimet e tyre në dy faza. Në radhë të parë, ata do të publikojnë softuer në maj, që lejojnë autoritetet e shëndetit publik të shkarkojnë aplikacione si për Android ashtu edhe për telefonat iOS.
Të premten, kompanitë publikuan specifikime teknike paraprake për përpjekjen, të cilën e quajtën ‘Gjurmimi i Kontaktit të Ruajtjes së Privatësisë’./abcnews.al
