Anija e Lirisë supozohet të përfshijë apartamente, shkolla, spitale, galeri arti, dyqane, parqe dhe akuariume. Në krye të kësaj godine do të ketë një aeroport me një pistë për aeroplanët e vegjël privatë dhe komercialë, i cili do të mundësojë transportin e pasagjerëve ose dërgimin e ushqimit të nevojshëm.
Pas dhjetë vjet planifikimi dhe investimi, kompania amerikane ‘Freedom Cruise Line International’ është planifikuar të fillojë ndërtimin e Freedom Ship vitin e ardhshëm. Bëhet fjalë për një të ashtuquajtur qytet lundrues 1,370 metra i gjatë dhe 106 metra i lartë, i cili do të lundronte përgjithmonë në oqeanet e botës, duke mos qëndruar kurrë në një vend mjaftueshëm për të mos i mërzitur ata që janë në të.
“The Freedom Cruise do të jetë anija më e madhe e ndërtuar ndonjëherë,” tha Roger M. Gooch, drejtor dhe nënkryetar i Freedom Cruise Line International.
Ajo duhet të jetë pesë herë më i madh se aeroplanmbajtësja më e madhe aktuale në botë, klasi USS Gerald R. Ford. Në imazhet e krijuara me ndihmën e një programi kompjuterik, kjo anije lirie duket si një lloj parkimi lundrues në 25 kate.
Dëshira e kompanisë që qëndron pas këtij projekti është që Freedom Ship të ketë në bord 40,000 banorë të përhershëm, 30,000 vizitorë të përditshëm, 10,000 mysafirë të rastit dhe 20,000 anëtarë ekuipazhi dhe punonjës institucionalë.
Projekti ‘Freedom Ship’ u propozua për herë të parë në vitet 1990. Ai mban një vizion të një kolonie të lëvizshme oqeanike që nuk i nënshtrohet ligjeve të asnjë shteti, ku njerëzit mund të jetojnë, punojnë ose të gëzojnë pensionin e tyre pa asnjë kufizim.
Realizimi i këtij projekti është pritur prej kaq vitesh për shkak të mungesës së fondeve të nevojshme për ndërtimin e tij. Supozohet se kjo anije do të kushtojë rreth 10 miliardë euro, ndërsa për akomodimin në të duhet të ndani nga 175,000 euro deri në 10 milionë euro, në varësi të njësisë së zgjedhur akomoduese./abcnews.al
