Prokurorët dhe hetuesit e policisë rumune kanë kryer kontrolle mëngjesin e së shtunës, një ditë pas Gjykata Kushtetuese anuloi rezultatin e zgjedhjeve presidenciale për shkak të dyshimeve për ndërhyrje ruse në favor të kandidatit të ekstremit të djathtë, i cili triumfoi në raundin e parë.
“Tri shtëpi në qytetin e Brasovit (në qendër) janë subjekt i kontrollit në rastin e lidhur me krimet e korrupsionit të votuesve, pastrimit të parave dhe falsifikimit kompjuterik”, thanë prokurorët.
Vendimi i Gjykatës Kushtetuese, i cili është përfundimtar, erdhi pas deklasifikimit të raporteve nga shërbimet e inteligjencës rumune që tregojnë se Rusia drejtoi një fushatë të gjerë që përfshin mijëra llogari të mediave sociale për të promovuar kandidatin Calin Georgescu nëpër platforma si TikTok dhe Telegram.
Pavarësisht se kandidati deklaroi zero shpenzime për fushatën, Georgescu doli si kryesuesi më 24 nëntor. Ai do të përballej me reformisten Elena Lasconi e partisë Save Romania Union në një balotazh të dielën./abcnews.al
