Akulli i detit nuk është kthyer në nivelet e pritura. Në fakt është në nivelet më të ulëta për këtë periudhë të vitit që nga fillimi i regjistrimeve 45 vjet më parë. Sipas të dhënave nga Qendra Kombëtare e të Dhënave për Borën dhe Akullin (NSIDC), akulli është rreth 1.6 milionë kilometra katrorë nën rekordin e mëparshëm të dimrit të vendosur në vitin 2022.
Në mesin e korrikut, akulli i detit të Antarktidës ishte 2.6 milionë kilometra katrorë nën mesataren e viteve 1981-2010. Kjo është një zonë pothuajse aq e madhe sa Argjentina ose zonat e kombinuara të Teksasit, Kalifornisë, New Mexico, Arizona, Nevada, Utah dhe Kolorado.
“Loja ka ndryshuar”
“Loja ka ndryshuar”, tha ai për CNN. “Nuk ka kuptim të flasim për gjasat që të ndodhë siç ka qenë sistemi dikur, po na tregon qartë se sistemi ka ndryshuar.”
Shkencëtarët tani po përpiqen të kuptojnë pse.
Antarktiku është një kontinent i largët dhe kompleks. Ndryshe nga Arktiku, ku akulli i detit ka qenë në një trajektore të vazhdueshme në rënie ndërsa kriza klimatike përshpejtohet, akulli i detit në Antarktik është luhatur nga nivelet më të larta rekord në nivelet më të ulëta rekord në dekadat e fundit, duke e bërë më të vështirë për shkencëtarët të kuptojnë se si po reagon ndaj ngrohjes globale.
Por që nga viti 2016, shkencëtarët kanë filluar të vëzhgojnë një prirje të pjerrët në rënie. Ndërsa ndryshueshmëria natyrore e klimës ndikon në akullin e detit, shumë shkencëtarë thonë se ndryshimi i klimës mund të jetë një shtytës kryesor për zhdukjen e akullit.
Në fund të shkurtit të këtij viti, akulli i detit Antarktik arriti shtrirjen më të ulët që nga fillimi i regjistrimeve, në 691,000 milje katrore.
