Ankorohet në kalatën nr 6 të portit të Durresit anija “Moliva”, e cila ktheu nga Tajlanda 122 kontejnerët të dyshuara se mbajnë lëndë të rrezikshme.
Rreth ores 09:00 pritet të nisë puna për shkarkimin e saj, ndërsa kontenierët nuk do të qëndrojnë në port por do të zhvendosen direkt drejt vendit të përcaktuar ku do të qëndrojnë të monitoruara rreptësisht deri në fund të procesit të hetimit dhe deri në daljen e analizave.
Nga porti deri te vendi ku do të qëndrojnë kontenierët do të shoqërohet nga forca policie. Burime thonë për ABC News se kontenierët do të vendosen në afërsi të Kampusit Universitar në afërsi të fshatit Shën Vlash, në një hapësirë toke të sekuestruar nga “Agjencia për Administrimin e Pasurisë së Sekuestruar ose Konfiskuar”, e cila është përshtatur dhe monitorohet nga kamera.
Prokuroria urdhëroi mbajtjen e 102 kontejnerëve në një vend të sigurt, larg nga zonat e banuara dhe me kushte sigurie fizike dhe shëndetësore, ndërsa paralelisht po kryhen hetimet dhe analizat e nevojshme.
Kontejnerët me mbi 2 mijë ton mbetje nga djegia e hekurit dhe çelikut u nisën nga Porti i Durrësit që nga data e 4 gusht me destinacion final Tajlandën./abcnews.al
