Ankohej për dhimbje dhëmbi, shqiptari humb jetën në burgun grek

schedule13:53 - 21 Prill, 2020

schedule 13:53 - 21 Prill, 2020

Një i burgosur shqiptar raportohet të ketë humbur jetën ditën e Pashkëve në burgun e Malandriut.

37-vjeçari shqiptar me iniciale S. Z la pas bashkëshorten dhe 5 fëmijët që janë nga mosha 2 deri në 15-vjeç. Kjo është vdekja e dytë brenda dy javëve në burgjet greke.

Shqiptari në fjalë është nga qyteti i Vlorës dhe ishte dënuar për vjedhje. Shokët e tij burgut thonë se tani nuk kanë para për ta dërguar në Shqipëri për ta varrosur, dhe i bëjnë thirrje shtetit shqiptar për të ndihmuar familjen e viktimës.

Mësohet se Selimi ishte ankuar burgun Malandrino për një javë në lidhje me dhimbjen e dhëmbit. Për këtë i janë dhënë antibiotikë, një depon dhe pa e parë asnjë doktor i është thënë që të  kthehej në qelinë e tij, shkruan Focus News.

Burgu i Malandrino i ka kontaktuar familjarët e tij thjesht për t’i informuar se duhet të parqiten për të marrë trupin e burrit. /abcnews.al/