Anëtarja e grupit të famshëm “Pussycat Dolls” Jessica Sutta është shtatzënë. Lajmin se është në pritje të fëmijës së parë me bashkëshortin Mikey Marquart, Jessica e bëri me dije për Entertainment Tonight, ndërsa zbuloi se do të bëhet me një djalë.
“Ka qenë një vit emocionues për mua deri më tani. Kam një lajm të jashtëzakonshëm për të ndarë. Unë po pres një fëmijë. Gjithmonë kam dashur të jem një mami. Ka qenë kaq emocionuese dhe është një ëndërr e vërtetë.”, u shpreh Jessica.
Sutta dhe Marquart lidhën kurorë më 14 shtator 2019. “Unë kam një djalë të vogël me emrin MJ. Ka qenë thjesht një udhëtim i pabesueshëm. Çfarë dhurate të bukur që më bëri 2020.” duke shtuar më tej me humor: “Tashmë mund të them se është një baterist si babai i tij … ose një balerin si mami sepse po shkelmon.” /abcnews.al
