Këshilli i qytetit të Amsterdamit ka ndaluar anijet e lundrimit nga terminali kryesor i qytetit ndërsa kryeqyteti holandez përpiqet të frenojë numrin e turistëve dhe ndotjen.
Sipas këtij vendimi terminali kryesor IJ të Amsterdamit po mbyllet.
Anijet e mëdha nuk janë në përputhje me ambiciet e qëndrueshme të qytetit, vërejnë zyrtarët vendas.
Anijet turistike janë kthyer në një simbol të fluksit të turizmit dhe vendimi për ndalimin e tyre nga qendra e qytetit u votua me shumicë.
Është masa e fundit që synon frenimin e turizmit masiv në qytet që mirëpret më shumë se 20 milionë vizitorë në vit.
Në mars, një fushatë në internet nga autoritetet komunale të qytetit parandaloi të rinjtë britanikë që synonin të bënin festat e tyre të diplomimit në Amsterdam. Ndërkohë që autoritetet kanë ndaluar pirjen e duhanit të kanabisit në rrugë në De Wallen, lagjen “semaforët e kuq”.
Amsterdami nuk është i vetmi metropol që merr masa kundër mbiturizmit. Ndër të tjera, Barcelona, Venecia, Parisi kanë marrë masa vitet e fundit kundër mbiturizmit që ndryshon karakterin e qyteteve dhe rrit ndotjen.
