Ministria e Drejtësisë është në hapat e fundit të një kodi të ri penal që shumë shpejt pritet ti ketë edhe një konsultim publik. Sipas ministrit të drejtësisë Ulsi Manja, grupet e punës pritet të dorëzojnë një variant përfundimtar.
“Grupet e punës kanë një variant, por nuk është përfundimtar. Ai që do jetë përfundimtar do të hidhet për konsultim publik….”
Sa i takon miratimit të amnistisë, Manja sqaroi se javën e ardhshme komisioni I ligjeve pritet ta dorëzojë draftin përfundimtar në parlament.
“Do ta përmbyllim javën që vjen këtë draft në komisionin e Ligjeve dhe më pas në seancë ku duhen 84 vota. Janë depozituar disa amendamente të cilat do të shqyrtohen në komisionin e ligjeve javën tjetër dhe më pas në seancë. Për disa propozime që ka bërë opozita kemi qasje pozitive”.
Ministri i Drejtësisë të premten mori pjesë në një takim me Forumin e Biznesit në kuadër të “Javës Kombëtare Ndërgjegjësuese në Mbrojtje të Viktimave të Krimit”.
