Ambasadori britanik në Shqipëri pret të dërguarin për Ballkanin Perëndimor: Çfarë u diskutua

Ambasadori i Britanisë së Madhe në Shqipëri, Alastair King-Smith ka takuar të dërguarin e posaçëm për Ballkanin Perëndimor, Stuart Peach.

Përmes një postimi në rrjete sociale ambasadori shkruan se me Peach kanë folur për një sërë çështjesh si forcimin e demokracisë dhe llogaridhënies si dhe forcimin e lidhjeve të tregtisë dhe sigurisë.

“Kënaqësi të mirëprisja të dërguarin e posaçëm për Ballkanin Prëndimor, zotin Stuart Peach në Shqipëri. Diskutuam një sërë çështjesh, duke përfshirë rolin e Shqipërisë në promovimin e sigurisë rajonale, forcimin e demokracisë dhe llogaridhënies si dhe forcimin e lidhjeve të tregtisë dhe sigurisë“, shkruan ambasadori në Twitter. /abcnews.al